Nám í Fjölskyldumeðferð

Nám í fjölskyldumeðferð hafið við Endurmenntun Háskóla Íslands

Síðastliðið haust gerðust þau stórtíðindi að námi í fjölskyldumeðferð á meistarastigi var komið á laggirnar við Endurmenntun Háskóla Íslands. Veg og vanda að þessu námi eiga Helga Þórðardóttir og Sigrún Júlíusdóttir. Mun námið efla þessa nálgun í meðferðarfræðum hér á landi og verða lyftistöng fyrir þá hugmyndafræði sem þar liggur að baki. Félagið hefur stutt dyggilega uppbyggingu námsins og vill leggja sitt að mörkum til þess að það megi eflast og dafna sem best.

Um leið og við þökkum félagsmönnum fyrir liðið ár viljum við hvetja alla til þess að vera virkir þátttakendur á því ári sem gengið er í garð. Bæði til að gefa og njóta.