Skálholt 2010

Fyrsta málþing félagsins var haldið í Skálholti í byrjun júni 2010. Það er draumur okkar í stjórn félagsins að málþing í Skálholti geti í framtíðinni orðið fastur punktur í tilveru þessa félags og þar með í lífi okkar sem stundum þessa vinnu. Draumsýn okkar er sú að við getum haldið áfram á þeirri braut að byggja upp skemmtilegt, gefandi og fræðandi samfélag þeirra sem stunda fjölskyldumeðferð. Mjög áhugaverð erindi voru flutt:

Karl Marinósson fjallaði um samtöl við börn og foreldra út frá tengslakenningum.

Rannveig Guðmundsdóttir deildi með okkur reynslu sinni af starfi sínu á Fjölskyluþjónustu kirkjunnar.

Þuríður Hjálmtýsdóttir greindi frá hugmyndum formanna norrænu félaganna um þróun í fjölskyldumeðferð.

Margréti Gísladóttur fjallaði um viðhorf og vanda í fjölskyldumeðferð og fjölskylduvinnu.

Stefán Jóhannsson fjallaði um tilfinningar og tjáskipti.

Að loknu góðu málþingi var Skálholt kvatt í öskufalli frá Eyjafjallajökli.